“Azərbaycan məktəblərində iqtisadiyyatın tədrisi” (AMİT) proqramı çərçivəsində Bakının Zəngi liseyinin məktəbli komandası Hewlett-Packard Global Business Challenge (HPGBC) beynəlxalq iqtisadi yarışında 68 ölkənin 1000 komandası arasında uğurla çıxış edərək, üçüncü yeri əldə etmişdi. Bu komanda 2006-cı il avqust ayının 14-18-də ABŞ-ın Kaliforniya ştatında yerləşən, Kupertino şəhərində keçirilən yarışın final mərhələsində Ukrayna, Rusiya, Estoniya, Kanada və Çindən olan səkkiz komanda ilə mübarizə aparmışdır.
2000-ci ildən etibarən USAİD-in və fərdi sponsorların dəstəyilə Junior Achievement Azərbaycan təşkilatı hər il 150-dən artıq məktəblinin iqtisadi və biznes biliklərini sınamaq məqsədilə, onların HPGBC yarışında iştiraklarını təmin edir. Yarış Hewlett-Packard Korporasiyasının sponsorluğu ilə Junior Achievement Worldwide tərəfindən hər il təşkil olunur.
2006-cı ilin fevral ayından başlayaraq, 30 AMİT komandası öz təlimçiləri ilə birgə dünyanın 100-ə yaxın komandaları ilə birlikdə modelləşdirilmiş biznesin virtual dünyasına daxil olmuşdular. Gərgin rəqabət şəraitində beş ay davam edən yarışda, AMİT proqramının iştirakçıları verilən bazar şərtlərini nəzərə alaraq məhsulun qiyməti, istehsal həcmi, marketinq, investisiya və elmi-tədqiqat işləri üzrə qərarlar qəbul etmişlər. Azərbaycandan yarışda təmsil olunan 30 komandadan 21-i yarışın yarımfinalında və bir komanda finalda iştirak etməyə müvəffəq olmuşdur. JA Azərbaycan təşkilatı üçün həmçinin şərəfli hal odur ki, təşkilatın həyata keçirdiyi proqramların məzunu Estoniya komandasına təlim keçməyə dəvət olunmuşdur və bunun sayəsində komanda yarışın final mərhələsinə vəsiqə alaraq 4-cü yeri əldə etmişdir.
Bu nailiyyətləri qeyd etmək məqsədilə Junior Achievement Azərbaycan iyul ayının 25-i ABŞ səfirliyi, USAİD, Azərbaycan Respublikası Təhsil Nazirliyinın nümayəndələri, JA Azərbaycan Direktorlar Şurasının üzvləri və media nümayəndələrinin iştirakı ilə tədbir keçirmişdir. Tədbirdə çıxış edən JAA Direktorlar Şurasının üzvü, Baker & McKenzie şirkətinin direktoru cənab Deniyel Metyuz qeyd etmişdir ki, “JA Azərbaycan şagirdlərinin və məzunlarının müvəffəqiyyəti Azərbaycanda iqtisadiyyat və biznes tədrisinin təkmilləşdirilməsində və ölkənin biznesi sektoru üçün yeni nəslin yetişdirilməsində JA Azərbaycan-ın səylərini aydın şəkildə nümayiş etdirir”.
2006/2007-ci tədris ilində USAİD və fərdi donorların dəstəyilə JA Azərbaycan AMİT şagirdlərinin HPGBC yarışında iştiraklarına köməklik etməyə davam edəcək.
Həyatın iqtisadiyyatını anlamaq üçün, Junior Achievement praktiki təcrübədən istifadə edərək gənclərə kömək edir. Biznes şirkətləri və təlimçilərlə əməkdaşlıqda, Junior Achievement məktəbliləri həqiqi dünya ilə tanış edir, öz daxili potensiallarına nəzər yetirməyə imkan yaradır. Junior Achievement metodları özündə proqram materialı, treninq və dəstəkləyici üsulları birləşdirir. Junior Achievement təhsil və biznes arasındakı müvəffəqiyyətli körpüdür.
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.
--- Xose Manuel Barroso, Avropa Komissiyasının Prezidenti
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.