2008

AMİT proqramı çərçivəsində “Məktəbli şirkətlər” layihəsi və İqtisadiyyat üzrə milli olimpiadanın nəticələri müəyyən edildi
Dərc olunub: Jan 26 2009
2008 >>

 Fevral ayının 11-i, “Məktəblərdə iqtisadiyyatın tədrisi” proqramı çərçivəsində JA Azərbaycan, “Avropa” mehmanxanasında keçirilən və “Məktəbli şirkətlər” layihəsinin və iqtisadiyyat üzrə milli olimpiadanın final mərhələsinə həsr olunan “Məktəblinin biznes günü” adlı tədbir keçirdi. Tədbir, həmçinin, 2003-cü ildən ABŞ-ın Beynəlxalq İnkişaf Agentliyi (USAİD) və fərdi sponsorların maliyyələşdirdiyi, Project Harmony tərəfindən idarə olunan və JA Azərbaycan tərəfindən həyata keçirilən AMİT proqramının başa çatmasına həsr olunmuşdur.

Məktəblinin biznes günü, eyni zamanada keçirilən iki fəaliyyəti əhatə edirdi – biznes-planların təqdimatı və şagirdlərin məhsullarının sərgisindən ibarət “Məktəbli şirkətlər” layihəsinin son mərhələsi və iqtisadiyyat üzrə milli olimpiadanın finalı. “Bu növ təşəbbüslərin məqsədi, şagirdlərə biznesin sadəcə alış-veriş yox, yaradıcılıq vasitəsilə şəxsin özünü-reallaşdırma prosesi olduğunu izah etməkdir”, - tədbirin açılışında JAA İcraçı Direktoru Vüsal Xanlarov qeyd etdi.
Hər il keçirilən “Məktəbli şirkətlər” layihəsi, 1000 AMİT şagirdin iqtisadiyyat və biznes bacarıqlarını sınayan testlə başlanmışdır. Yüksək nəticəyə nail olan 225 şagird layihənin növbəti mərhələsinə keçib, “Biznesin əsasları” və “Biznes planların yazılması” üzrə onlayn təlimlərdə iştirak etmişdir. Yerli və beynəlxalq biznes icması nümayəndələrinin keçirdiyi təlimlər vasitəsilə şagirdlər, biznesin mahiyyəti, məhsuldarlıq amilləri, işgüzar qərarların qəbul edilməsi, rəqabət, bazarın təqqiqatı, ehtiyacların qiymətləndirməsi və biznes-planların yazılma qaydalarını öyrənirdilər. Mentorlar, həmçinin, şagirdlərlə biznesin təşkil olunmasında və biznes strategiyalarını daha dərindən anlamağa kömək edəcək şəxsi təcrübələrilə bölüşürdülər.
Layihənin son mərhələsində şagirdlər, öz biznes-plan və nümunəvi məhsullarını USAİD, JAA Direktorlar şurası, yerli və beynəlxalq şirkətlərin nümayəndələrindən ibarət münsiflər heyətinə təqdim etdilər. Hər təqdimatın sonunda, şagirdlərin biznes fəaliyyətlərinin nə qədər davamlı olacağını qiymətləndirmək məqsədilə münsiflər sual verir, öz iradlarını bildirirdilər. Kəskin müsabiqənin sonunda Bakının 160, 164 və Sumqayıtın 11 saylı məktəblərini təmsil edən üç komanda, bizneslərini başlamaq üçün 500, 250 və 100 ABŞ dolları həcmində başlanğıc vəsait əldə etdilər.
Tətbiqi iqtisadiyyat üzrə milli olimpiadaya iqtisadiyyat üzrə olkənin ən güclü 380 şagirdi qoşulmuşdur. Məktəbli komandalar qiymət, istehsal vahidi, marketinq strategiyaları və elmi tədqiqatlara ayrılan vəsaitlər üzrə qərarlar verməklə mübarizə aparırdılar. Verilən qərarlar komandanın göstərici əmsalına təsir edirdi. Qrup yarışlarında qalib gələn hər səkkiz komanda olimpiadanın qalibini müəyyən edən final mərhələsində görüşdü. Müəllim tərəfindən təlim alan məktəbli komandalara həmçinin, AMİT proqramının məzunları da kömək edirdi. Milli olimpiadanın davamı olaraq finalçılar, HP korporasiyası və Ümumdünya JA təşkilatı tərəfindən keçirilən beynəlxalq biznes yarışında iştirak etmək imkanı əldə etdilər.
Tədbirdə çıxış edən USAİD-in Azərbaycan üzrə koordinatoru cənab Skot Teylorun sözü ilə “təlimçilərin yuxarı sinif proqramlarına maliyyə biliyin və iqtisadiyyatın daxil etmələri, və tədrisin həyati təcrübə ilə təkmilləşdirməsi üçün yeni imkanların tədqiq etmələri son dərəcədə vacibdir. Şagirdlər şəxsi dəyərlər və həyati bacarıqlar əldə edir, məhsuldarlığı artıran, eləcə də daha çox təcrübə ilə təmin edən iş yerlərinin müxtəlifliyini dəyərləndirirlər”. Cənab Teylor, Junior Achievement Azərbaycan və Project Harmony təşkilatlarını ölkənin 26 bölgəsində 230 məktəbi təmsil edən 94000 şagirdə iqtisadi və biznes biliklərini çatdıran AMİT proqramının uğurla başa çatması ilə təbrik edərək, “dünya bazarında rəqabət aparmaq üçün Azərbaycanda savadlı kadrların yetişdirilməsi”ndə onların rolunu yüksək qiymətləndirdi.

 Mətbuatda dərc olunan məqalələr:

 Day.Az
http://www.day.az/news/society/107243.html

The 1st News
http://www.1news.az/articles.php?item_id=20080208044656744&sec_id=4

Interfax
http://www.interfax.az/index.php?option=com_content&task=view&id=16488&Itemid=38

Avciya News
http://www.avciya.org/cgi-bin/e-cms/vis/vis.pl?s=001&p=0113&n=000333&g

Movqe
http://www.movqe-az.com/2008/02/09/anons=2

Novosti Azerbaijana
http://www.novosti.az/international/20080211/42149937.html

ANS
http://www.ans.az/index.php?nid=59410
http://www.ans-dx.com/print59410.html

APA
http://economics.apa.az/news.php?id=63389

AzadInfrom
http://azadinform.az/index.php?dn=news&re=print&id=8983

Okey.az
http://okey.az/index.php?newsid=2880

Azeri.ru
http://azeri.ru/papers/news-azerbaijan/13030/

Azertaj
www.azertag.com

Voice of America
http://www.voanews.com/azerbaijani/Aze-iqtisadiolimpiada.cfm

Azerbaijan News
http://www.azerizv.az/article.php?id=12517

- Xəbərlər arxivi 2008

- Xəbərlər arxivi 2007

- Xəbərlər arxivi 2006

- Xəbərlər arxivi 2005