2008
| Azərbaycanın IX və X sinif şagirdləri Dünya Bazarı və Beynəlxalq Ticarəti öyrənirlər |
![]() |
| Dərc olunub: Jan 26 2009 |
| 2008 >> |
Bakı və Sumqayıt şəhərinin orta məktəb şagirdləri Junior Achievement Azərbaycan təşkilatının Master Card Worldwide korporasiyasının maliyyə dəstəyi ilə həyata keçirdiyi, JA Dünya bazarı proqramı vasitəsilə beynəlxalq ticarəti öyrənirlər. Bu pilot layihə 2007-ci ilin Dekabr ayından etibarən, Junior Achievement Azərbaycan təşkilatına, artıq 2003-cü ildən layihəyə dəstək olan Master Card korporasiyası tərəfindən proqramın tətbiq edilməsi və azərbaycan dilinə tərcümə edilməsi üçün qrantın ayırıldığı andan həyata keçirilir. Master Card Worldwide 12 ölkənin 143.000 şagirdinə beynəlxalq ticarətin və iqtisadi əlaqələrin əsaslarının öyrədilməsi üçün 1 milyon ABŞ dollarına yaxın vəsait ayırıb.
Junior Achievement Azərbaycan iqtisadiyyat müəllimləri üçün proqramın həyata keçirilməsinə, interaktiv dərs üsullarına və JA proqramının müddətlərinə dair Aprel ayının 23-ü sessiya iştirakçılarının təlimini təşkil etdi. Proqram çərçivəsində İştirak edən bütün müəllim və şagirdlər MasterCard Worldwide və Junior Achievement Azərbaycan tərəfindən materiallarla təmin olunurlar.
JA Dünya Bazarı proqramı beynəlxalq ticarətin vacibliyinə, dünya ticarətinin hərəkətverici qüvvələri, habelə ticarətin şagirdlərin gündəlik həyatına təsiretmə yollarına dair təcrübi informasiya təqdim edir. Proqramın əsas məqsədi qlobal iqtisadiyyatın altı aparıcı aspektini araşdırmaqdan ibarətdir. Proqramın altı məşğələsi aşağıdaki aspektlərdən hər birinə yönəldilir:
- beynəlxalq bazarlar
- beynəlxalq hüquq
- beynəlxalq mədəni mübadilə
- beynəlxalq insan resurs axını
- beynəlxalq məlumat axını
- beynəlxalq maliyyə kapitalının axını
 Proqramı keçdikdən sonra şagirdlər verilmiş altı vacib aspekti analayaraq, qlobal İqtisadiyyata dair biliklərini gündəlik həyatlarında tətbiq etmək bacarığına yiyələnəcəklər.
9-11-ci siniflər üçün nəzərdə tutulmuş proqram riyaziyyat, oxu və yazı bacarıqlarına əhəmiyyət verməklə, əsas diqqəti sosial tədrisə yönəltmək məqsədilə hazırlanmışdır. Layihə vasitəsilə şagirdlər əsas biznes və iqtisadi anlayışları öyrənir və dünyada biznes şirkətlərinin necə işlədiklərini aşkar edirlər. Onlar habelə karyera imkanları və maraqlarını araşdırır və maliyyə məsələlərinə dair mühüm prinsipləri öyrənirlər. Altı məşğələdən ibarət olan proqram ərzində şagirdlər müxtəlif rollar ifa edirlər, müxtəlif təcrübi məşğələlər vasitəsilə məktəbdə öyrəndikləri ilə onların iqtisadiyyatımızda uğurlu iştirakı arasındaki əlaqəni daha yaxşı anlayırlar.
Geri- Xəbərlər arxivi 2008
- Xəbərlər arxivi 2007
- Xəbərlər arxivi 2006
- Xəbərlər arxivi 2005 |
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.