XƏBƏRLƏR
| Biznes nümayəndələrinin təcrübəsi gəncləri sahibkarlıq fəaliyyətinə ruhlandırır |
![]() |
| Dərc olunub: Jun 09 2009 |
| XƏBƏRLƏR >> |
.jpg) “Məktəbli Şirkətlər” layihəsinin ən maraqlı və həyəcanlı hissəsi olan “Məktəblinin Biznes Günü” ölkə üzrə bütün məktəbli şirkətlərə öz məhsullarını təqdim etmək və yeni, müasir biznes ideyalarla bölüşmək üçün nadir imkan yaradır. Junior Achievement Azərbaycan təşkilatı tərəfindən hər il keçirilən məktəbli yarmarkasında şagirdlər öz məhsul və xidmətlərini təqdim edir və “İlin Məktəbli Şirkəti” mükafatı uğrunda mübarizə aparırlar.
May ayının 26-sı, Bakı, İsmayıllı, Kürdəmir, Ağdaş və Yevlax məktəblərini təmsil edən 63 gənc sahibkar Bakıda, “Ambassador” otelində təşkil olunan və Azərbaycanda 4-cü dəfə keçirilən Məktəblinin Biznes Günündə görüşdü. JA Azərbaycan təşkilatı tərəfindən keçirilən tədbir JA “Məktəbli Şirkətlər” layihəsinin yekun hissəsi idi. “Məktəbli Şirkətlər” layihəsi BP və onun AÇG, Şahdəniz, BTC və CQK layihələri üzrə tərəfdaşları, ABŞ-ın Beynəlxalq İnkişaf Agentliyi, StatoilHydro, Chevron və Baker McKenzie şirkətlərinin maliyyələşdirdiyi və Azərbaycan Respublikası Təhsil Nazirliyi ilə strateji əməkdaşlıq çərçivəsində Junior Achievement Azərbaycan təşkilatı tərəfindən həyata keçirilən “Məktəblərdə İqtisadiyyatın və Biznesin Tədrisi” proqramının tərkib hissəsidir.
.jpg) 2008-ci ilin dekabrında başlanan “Məktəbli Şirkətlər” layihəsinə Bakı, Sumqayıt, Kürdəmir, Yevlax, İsmayıllı, Şirvan, Bərdə, Ağdaş və Mingəçevir məktəblərindən 175 şagird qoşulmuşdur. Proqram dörd mərhələdən ibarət idi: iqtisadiyyat üzrə testlər, biznes planın tərtibatı, biznes planın qiymətləndirilməsi və yekun təqdimat. Layihənin iştirakçıları hazırladıqları biznes planlarını BP, Access Bank, Deloitte Touche, ARD International, MakDermott Kaspian Kontraktorz Ink., MADIA Group, Sənaye İnkişaf Qrupu, Microsoft, Avis, Caspian Compassion Project və Junior Achievement Azərbaycan təşkilatını təmsil edən 13 münsifin nəzərinə təqdim etdilər. Onlayn keçirilən qiymətləndirmə prosesi təqdim olunmuş planların ümumi .jpg) planlaşdırmasını, mümkünlüyünü, istehsal, marketinq və maliyyə hissəsini nəzərdən keçirirdi. Nəticədə Bakı, İsmayıllı, Yevlax, Kürdəmir və Ağdaş məktəblərindən 21 komanda layihənin son mərhələsinə - məktəbli şirkətlərin yarmarkasına vəsiqə aldı.
Final mərhələ zamanı öz məhsul və şirkətlərini tədbirin qonaqlarına və münsiflər heyətinə təqdim etmək üçün məktəblilər nümayiş stendləri hazırladılar. Şagirdlərin müəssisələrinə sərmayə etmək və bununla ilin məktəbli şirkətini seçmək məqsədilə münsiflər heyətinin hər üzvünə 1700 JA Dolları verilmişdir. Ən yüksək – 3900 dollar toplayan Bakının 164 saylı məktəbinin komandası “İlin Məktəbli Şirkəti” elan edildi, digər 5 komanda aşağıdakı nominasiyalar üzrə qalib gəlib, sertifikat və hədiyyələrlə mükafatlandırıldı:
İlin Məktəbli Şirkəti – Bakı 164 saylı məktəbin “B” komandası
əl işləri, toxunma suvenir və pannoların istehsalı
Məktəbli Şirkət Kuboku və Hewlett-Packard mükafatını əldə etdi
Ən Yenilikçi Məhsul – Bakı 59 saylı məktəb
muncuqla bəzədilmiş suvenirlərin istehsalı və PayPal sistemi ilə onlayn satışı
Microsoft mükafatını əldə etdi
.jpg)
Mükəmməl Maliyyə Planı – Bakı 164 saylı məktəbin “A” komandası
geniş çeşidli fastfud xidməti
Deloitte Touche mükafatını əldə etdi
.jpg)
İstehsal Sahəsində Mükəmməl Biznes İdeya – Kürdəmir r-nu, Karrar kənd məktəbinin “A” komandası
nadir dərman bitkilərinin toplanması və apteklərə təqdim edilməsi
ExxonMobil mükafatını əldə etdi
.jpg)
Xidmət Sahəsində Mükəmməl Biznes İdeya – Bakı 222 saylı məktəbin “A” komandası
qayıqla gəzinti və dəniz kənarı kafenin təşkili
Deloitte Touche mükafatını əldə etdi
.jpg)
Yaradıcı Marketinq Strategiyası – Bakı 275 saylı məktəb
müxtəlif naxış və şəkillərlə bəzədilmiş maykaların istehsalı
Access Bank mükafatını əldə etdi
İlin Könüllüsü – Anar Mahmudov
Junior Achievement təşkilatının Azərbaycandakı fəaliyyətinə
verdiyi əvəzsiz töhfəyə görə təltif edilib
Tədbir qaliblərin mükafatlandırması mərasimi ilə başa çatdı. Mərasim zamanı JA Azərbaycan təşkilatı biznes könüllülərinə və münsiflərə öz təşəkkürünü bildirərək, onlara sertifikat və “JAA könüllüsü” maykalarını təltif etdi. Junior Achievement təşkilatının “İlin Könüllüsü” mükafatı təşkilatın Azərbaycandakı fəaliyyətinə xüsusi töhfə verən BP şirkətinin nümayəndəsi Anar Mahmudova təltif edildi.
Geri- Xəbərlər arxivi 2009
- Xəbərlər arxivi 2008
- Xəbərlər arxivi 2007
- Xəbərlər arxivi 2006
- Xəbərlər arxivi 2005 |
.jpg)
.jpg)
.jpg)
.jpg)
.jpg)
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.