2009-cu ilin İyun-Avqust ayları ərzində Azərbaycanda fəaliyyət göstərən beş beynəlxaq şirkət JA Azərbaycan təşkilatının proqram və yarışlarında qalib gələn 11 orta və ali məktəb şagirdinə JA İşə Hazırlıq proqramı çərçivəsində iş təcrübəsi imkanı yaradıb. Layihə StatoilHydro, ABŞ Beynəlxalq İnkişaf Agentliyi, Chevron, Baker & McKenzie, Amerika Ticarət Palatasının Azərbaycan nümayəndəliyi və Bakcell şirkətləri tərəfindən maliyyələşdirilən “Məktəblərdə İqtisadiyyatın Tədrisi” proqramının tərkib hissəsidir. JA İşə Hazırlıq proqramı JA proqramlarının ən müvəffəqiyyətli məzunlarını iş təcrübəsi ilə təmin edir, onlara işə hazırlıq bacarıqlarını tədris edir və gələcək karyeralarını dəyərləndirməyə imkan verir.
2009-cu ilin proqramı çərçivəsində 11 məktəbli StatoilHydro Azərbaycan, KCA Deutag, McDermott Caspian Contractors, Deloitte & Touche və Access Bank-da təcrübə keçmək imkanı əldə etdi. Şirkətlərin işçilərinin müşahidəsi ilə şagirdlər şəxsi-dəyərləndirmə aparır, şöbələrdə gedən işlər haqqında öyrənir, işçilərin vəzifə öhdəlikləri və işə götürənin gözləntiləri barəsində məlumat alırlar.
StatoilHydro şirkətinin ictimai məsuliyyət üzrə məsul işçisi, Şeyda Mehdiyeva qeyd edir ki, “JA İşə Hazırlıq Proqramı şirkətlər üçün şagirdlərin qazandıqları karyera istiqamətli məsləhətlər ilə öz bacarıqlarını və biliklərini yerinə yetirməkdə ruhlandıran çox yaxşı imkandır.” Şeyda xanım, JA Azərbaycan təşkilatının layihələrində iştirak edən şagirdlərin peşəkar işə daha hazırlıqlı olduğlarını qeyd edir. “Bu, ofisdə çalışan həm şagirdlər və həm də onları istiqamətləndirən təlimçilər üçün ən yaxşı təcrübədir”.
Proqramın nəticəsi olaraq, şagirdlər keçdikləri təcrübə proqramı ilə bağlı şəxsi fəaliyyət planı hazırlayacaqlar.
Həyatın iqtisadiyyatını anlamaq üçün, Junior Achievement praktiki təcrübədən istifadə edərək gənclərə kömək edir. Biznes şirkətləri və təlimçilərlə əməkdaşlıqda, Junior Achievement məktəbliləri həqiqi dünya ilə tanış edir, öz daxili potensiallarına nəzər yetirməyə imkan yaradır. Junior Achievement metodları özündə proqram materialı, treninq və dəstəkləyici üsulları birləşdirir. Junior Achievement təhsil və biznes arasındakı müvəffəqiyyətli körpüdür.
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.
--- Xose Manuel Barroso, Avropa Komissiyasının Prezidenti
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.