Junior Achievement Azərbaycan (JAA) 2009-cu ilin “İşə Hazırlıq” proqramını elan edir və sizi və şirkətinizi bu fəaliyyətdə iştirak eməyə dəvət edir. İldə keçirilən proqram 10 və 11-ci sinif şagirdlərini iş yerlərinə gətirərək, onlara işgüzar mühitdə özlərini sınamaq imkanı verir.
İştirakçı şagirdlər işə hazırlıq layihələrinin məzunları, eləcə də sahibkarlıq və maliyyə savadı üzrə məktəbli yarışlarının qalibləri sırasından seçilir. Proqramda iştirakınız sizə və şirkətinizə öz gələcək karyeralarının seçimi mərhələsində olan şagirdlər üçün rol modeli olmaq fürsəti verir. “İşə Hazırlıq” proqramının əvvəlki illərinin tərəfdaşları arasında StatoilHydro Azərbaycan, MakDermott Kaspian Kontraktorz, Exxon Azərbaycan, KCA Deutag, Kapital Bank, AİG Kaspian və başqa şirkətlər olmuşdur.
“İşə Hazırlıq” proqramı bir neçə mərhələdən ibarətdir: şagirdin müəllim tərəfindən hazırlanması, biznes mentor tərəfindən aparılan müsahibə, mentorun müşahidəsi ilə keçirilən praktika və proqramın sonunda JAA nümayəndəsi tərəfindən aparılan qiymətləndirmə. Şirkətlərə və iştirakçı şagirdlərə proqram çərçivəsində gündəlik fəaliyyəti və təqvimi daxil edən tədris vəsaiti veriləcək. Həmçinin, bu vəsaitə proqramı asanlaşdırmaq məqsədilə bir neçə forma daxil edilib (tibbi icazə forması, valideynlərin razılıq forması, qiymətləndirmə forması və s.)
Proqram aşağıdakı fəaliyyətlərdən ibarət olunacaq və iştirakçı şirkətlər təklif olunan praktika növlərindən birini seçməyə dəvət olunurlar:
- 1-aylıq praktika – bu növ praktika zamanı şagird (şagirdlər) məzuniyyətdə olan əməkdaşı əvəz edə bilər yaxud şirkətin işçisinə kömək edə bilər. Köməkedici materiallar JAA tərəfdindən təmin edilir, lakin şirkət öz proqramından istifadə edə bilər.
- 1-həftəlik işə hazırlıq təcrübəsi – bu halda şagird (şagirdlər) şirkətin şöbələrilə tanış edilir və hər şöbədə bir gün işləyir. Köməkedici materiallar JAA tərəfindən təmin edilir.
- 3-günlük işə hazırlıq təcrübəsi – şagird (şagirdlər) şirkətin bir əməkdaşı – biznes mentorla işləyir. Mentor şagirdin iş yerində olduğu vaxt onu müşahidə edir, müvafiq görüşlərdə, ofis işində və biznes naharlarda təcrübəçinin iştirakını təşkil edir. JAA tərəfindən material təmin edilsə də, bu fəaliyyət üçün xüsusi təqvim tələb olunmur, çünki şagird (şagirdlər) gün ərzində mentorla bir işləyir.
Proqramın nəticəsində iştirakçı şagirdlər şəxsi fəaliyyət planı tərtib edəcəklər.
Şirkətlərə imkan verilir təcrübəçilərin seçimi üçün öz seçim prosedurlarından istifadə etsinlər yaxud da bu işi JAA təşkilatına həvalə etsinlər. Əgər sizin şirkət 2009-cu ilin “İşə Hazırlıq” proqramı çərçivəsində JAA şagirdlərini təcrübəyə götürmək istəyirsə, xahiş edirik iyunun 20-dək www.jaazerbaijan.org veb saytının əsas səhifəsində, 2009 “İşə Hazırlıq” proqramı bölməsində verilmiş onlayn formanı doldurasınız.
Əlavə məlumat üçün Proqram Koordinatoru Könül Hüseynova ilə kenul@jaazerbaijan.org el. poçtu və ya (994 50) 407 6869 nömrəli telefonla əlaqə saxlaya bilərsiniz.
Həyatın iqtisadiyyatını anlamaq üçün, Junior Achievement praktiki təcrübədən istifadə edərək gənclərə kömək edir. Biznes şirkətləri və təlimçilərlə əməkdaşlıqda, Junior Achievement məktəbliləri həqiqi dünya ilə tanış edir, öz daxili potensiallarına nəzər yetirməyə imkan yaradır. Junior Achievement metodları özündə proqram materialı, treninq və dəstəkləyici üsulları birləşdirir. Junior Achievement təhsil və biznes arasındakı müvəffəqiyyətli körpüdür.
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.
--- Xose Manuel Barroso, Avropa Komissiyasının Prezidenti
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.