XƏBƏRLƏR
| JA Azərbaycan 2009-cu ilin “Məktəbli Şirkətlər” proqramı üçün könüllülərin seçimini elan edir |
![]() |
| Dərc olunub: Nov 11 2009 |
| XƏBƏRLƏR >> |
Hörmətli həmkarlar,
Junior Achievement Azərbaycan təşkilatı 2009-cu ilin “Məktəbli Şirkətlər” proqramı üçün könüllülərin seçimini elan edir.
JA “Məktəbli Şirkətlər” proqramı yuxarı sinif şagirdlərinə iqtisadiyyatın əsaslarını tədris edir. Həqiqi biznes müəssisəsini idarə etməklə, məktəblilər biznesin fəaliyyəti ilə yanaşı, azad sahibkarlıq sisteminin strukturunu və verdiyi faydanı da öyrənirlər. Proqram şirkətin və onun şöbələrinin yaradılması, rəhbərliyin və işçi heyətinin rolunun müəyyən edilməsi, şöbələrin və şirkətin biznes planlarının yazılması və məhsulun istehsalı və satışıla bağlı əsas fəaliyyətləri əhatə edir.
Dərslərin keçirilmə müddəti: Noyabr ayından başlayaraq Aprel ayınadək həftədə bir dəfə, yaxud konüllü üçün münasib digər cədvəl üzrə.
Könüllünün rolu:
• Könüllü məktəb-əsaslı şirkətin və onun biznes planının yazılmasında bir qrup məktəbliyə kömək edəcək. Könüllüyə yardım məqsədilə JA Azərbaycan təşkilatı onu proqram materialları və JAA təlimlərində iştirak etmiş müəllimin köməyilə təmin edəcəkdir.
• Könüllü biznes ideyanın və əmtəə/xidmətin seçilməsində, biznes planın yazılmasında, final təqdimatın və stendin hazırlanmasında məktəblilərə kömək etməyə cavabdehdir. Könüllüyə məktəblilərin əvəzinə biznes planı yazmağa icazə verilmir.
• Mümkün halda May ayında keçiriləcək final mərhələyədək könüllülərdən məktəblilərin yaratdığı şirkətlərin məktəb daxilində fəaliyyətinə kömək etmək xahiş olunur.
Geri- Xəbərlər arxivi 2009
- Xəbərlər arxivi 2008
- Xəbərlər arxivi 2007
- Xəbərlər arxivi 2006
- Xəbərlər arxivi 2005 |
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.