Junior Achievement Azərbaycan British Petroleum şirkətinin və tərəfdaş şirkətlərin maliyyələşdirdiyi İcmaların iqtisadi təhsili proqramının (COMEEP) 1-ci mərhələsinin icrasına başlamışdır. COMEEP-in məqsədi orta məktəb şagirdləri, universitet və texnikum tələbələri və məzunları, yeni yaranan biznes nümayəndələri və digər maraqlanan icma üzvləri üçün iqtisadi təlim təşkil etməklə biznes işçi qüvvəsini inkişaf etdirməkdən ibarətdir.
COMEEP Yevlax, Kürdəmir, Ucar, Ağdaş, Samux və Ağstafa rayonlarından 9 icma mərkəzi seçəcəkdir. Bu icmalar vasitəsilə proqram 18 icma üzvü üçün Təlimçilərin Təlimi (TOT) və orta məktəb şagirdləri, universitet və texnikum tələbələri və məzunları, yeni yaranan biznes nümayəndələri və digər maraqlanan icma üzvləri üçün Bazar İqtisadiyyatının əsasları (FOME), Qlobal biznes etika (GBE), Şirkət proqramına (CP) dair təlimlər keçirəcəkdir. Ən uğurlu təlim iştirakçıları Peşə təcrübəsi proqramında (WEP) iştirak edəcəklər. Bu proqram onları əsl biznes mühitinə aparacaq və öz bizneslərində istifadə etmək üçün iştirakçılara ən yaxşı menecment təcrübələri aşılayacaqdır.
Proqram kənd icmalarında bazar iqtisadiyyatı münasibətlərinin qurulmasına və bu regionlarda kiçik və orta biznes imkanlarının genişləndirilməsində Azərbaycanın imkanlarını gücləndirməyə kömək edəcəkdir. COMEEP biznes və iqtisadi təlim baxımından nisbətən əlverişsiz regionlarda işləyəcəkdir; JAA COMEEP sahələrinin hədəf icmaların mühüm və lazımlı hissəsi olacağına ümid edir. COMEEP-in icmalarla əlaqə strategiyası BP-nin maliyyələşməsi sona çatdıqdan sonra proqrama dəstək vermələri üçün yerli və milli səviyyədə biznes icmalarına, eləcə də Azərbaycan hökumətinə müraciət edəcəkdir. COMEEP-in həyata keçirdiyi fəaliyyətlər və onun təlimçiləri iqtisadi, maliyyə və biznes sahəsində maariflənməyə ehtiyacı olan bu icmalar üçün mühüm bir əlavə olacaqdır.
Həyatın iqtisadiyyatını anlamaq üçün, Junior Achievement praktiki təcrübədən istifadə edərək gənclərə kömək edir. Biznes şirkətləri və təlimçilərlə əməkdaşlıqda, Junior Achievement məktəbliləri həqiqi dünya ilə tanış edir, öz daxili potensiallarına nəzər yetirməyə imkan yaradır. Junior Achievement metodları özündə proqram materialı, treninq və dəstəkləyici üsulları birləşdirir. Junior Achievement təhsil və biznes arasındakı müvəffəqiyyətli körpüdür.
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.
--- Xose Manuel Barroso, Avropa Komissiyasının Prezidenti
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.