Junior Achievement təcrübəsi Azərbaycan məktəblilərini şəxsi biznesi yaratmağa ruhlandırır
Dərc olunub: Apr 21 2008
2006 >>

İki gənc üçün biznes təlimi 2005-ci ilin fevral ayında Bakının Qadınlar Fondunun JAA-nin proqramlarının maliyyə dəstəyi üçün keçirdiyi “Bazar”ın təşkilatçıları seçilmələrilə başlanmışdır. “Bazar”, əldə etdiyimiz marketinq təcrübəmizi tətbiq etmək üçün ilk fürsətimiz idi. “Real məhsul – real pul” prinsipini rəhbər tutaraq, biz uşaq rəsmləri, əl işləri və müxtəlif suvenirləri satıb, 400 ABŞ dolları topladıq. Satdığımız məhsulun reklamına xüsusi diqqət yetirərək, işimizi daha da uğurlu etdik” sözlərilə Şahin hekayəsini davam etdirir.

Şahin Qəhrəmanzadə və Ayaz Əfəndiyev iş adamı olmaq qərarına gəlmişlər, lakin özlərinin etirafına görə, “uğurlu biznes adamı üçün hansı bilik və qabiliyyətlərin vacib olmasını bilmirdilər”. Hazırda onlar JAA proqramlarını bitirdikdən sonra Almaniya və Rusiyadan olan tərəfdaşları ilə birgə çox uğurlu “Nyustayl” (www.newstyle.ws) veb dizayn şirkətini idarə edirlər.

JAA təşkilatının 2000-ci ildən fəaliyyət göstərdiyi Bakının 6 saylı məktəbinin məzunları Şahin və Ayaz, iqtisadiyyat fənnini 2004-cü ildə onuncu sinifdə oxuyarkən keçməyə başlamışlar. “Əvvəllər biz güman edirdik ki, biznes yalnız alış-veriş deməkdir, amma Junior Achievement layihələri bizə mürəkkəb işgüzar əlaqələrin tamamilə yeni bir dünyasını göstərdi”, - Şahin deyir. Hər iki şagird JA “İqtisadiyyat” fənninin gələcək sahibkar roluna hazırlaşmaq üçün mühüm olduğunu aşkar etdilər. “Junior Achievement Azərbaycan bizə nəzəri biliklərlə yanaşı, əldə etdiyimiz təcrübəni həqiqi şəraitdə tətbiq etmək imkanı da verdi”, - Ayaz söyləyir.

2005-ci ilin oktyabrında Şahinlə Ayaz JA “Məktəbli şirkətlər” layihəsinə cəlb olundular və ikinci yeri əldə edərək, JAA tərəfdaş təşkilatında yay təcrübəsində iştirak etmək şansını qazandılar. “JAA təşkilatının köməyilə və Exxon Mobil şirkətinin nümayəndəsi, mentorumuz xanım Aysel Əsgərovanın sayəsində biz biznesin necə idarə olunmasını və biznes planlarının yazılmasını öyrəndik. Bu biznes strategiyasının və maliyyə layihələrinin hazırlanmasını daha da asanlaşdırır”, şagirdlər öz təəssüratı ilə bölüşürlər.

Uğurlu dostlar bu yaxınlarda Amerika Birləşmiş Ştatlarının Dövlət Departamentinin imtahanlarından keçərək FLEX (Gələcək Liderlərin Mübadiləsi) proqramı çərçivəsində ABŞ-da bir il oxuyacaqlar. Vətənə dondükdə, onlar Bakıda biznes açmaq üçün ofisi icarəyə götürmək və dövlət lisenziyasını əldə etməyi planlaşdırırlar.

- Xəbərlər arxivi 2008

- Xəbərlər arxivi 2007

- Xəbərlər arxivi 2006

- Xəbərlər arxivi 2005