“Icmaların iqtisadi təhsili” proqramı 9 iştirakçını iş yerlərinə aparır
Dərc olunub: Apr 10 2008
2007 >>

 İyul ayının 16-dan başlayaraq “İcmaların iqtisadi təhsili” proqramı (COMEEP) müvəffəqiyyət qazanmış doqquz nəfər iştirakçısını karyera haqqında ilk mənbədən öyrənmək üçün Bakı, Gəncə və Yevlax şəhərlərində yerləşən iş yerlərinə aparmışdır. COMEEP 2006-cı ildə British Petroleum və tərəfdaş şirkətlərin dəstəyi ilə Junior Achievement Azerbaijan təşkilatı tərəfindən həyata keçirilməyə başlamışdır. Proqram Azərbaycanın 6 mərkəzi və qərb rayonunda yeni yaranan biznes nümayəndələri və icma üzvləri üçün qabaqcıl iqtisadi və biznes təlimlər təşkil edir.

“Peşə təcrübəsi” proqramında iştirak etmək üçün iyun ayında ən çox uğur qazanmış iştirakçılar Junior Achievement Azerbaijan təşkilatına müraciət etmişdilər. Qiymətləndirmə prosesi bitdikdən sonra COMEEP Proqramının doqquz iştirakçısı Azərbaycanın ən iri banklarından biri olan Kapital Bankda və baş qərargahi ABŞ-da yerləşən Praqma şirkətində bir həftədən bir aya qədər davam edəcək Peşə Təcrübəsi Proqramında iştirak etmək imkanı əldə etdilər.

Peşə təcrübəsi proqramı karyera haqqında öyrənmək üçün iştirakçıları real iş dünyasına aparır. Hər iştirakçı həmin şirkətlərin işçilərindən olan karyera məsləhətçisinə təhkim olunmuşdu. Bu müddət ərzində iştirakçılar gündəlik iş prosesində iqtisadiyyatla bağlı, problemlərin həlli ilə bağlı əsas bacarıqlardan necə istifadə olunduğunu, eləcə də komanda işini müşahidə etmişdilər.

Praqma Korporasiyasında keçirilən bir həftəlik internatura zamanı məsləhətçilər iştirakçıları şirkətin yerlərdəki nümayəndəliklərinə aparmış, müştərilərlə görüşlər təşkil etmiş, onlara şirkətdə istifadə olunan xüsusi marketinq və satış strategiyalarını öyrətmiş, onları şöbələrlə tanış etmiş və iştirakçıların işçi heyətinin iclaslarında iştirakını təmin etmişlər. Kapital Bankda keçirilən bir aylıq internatura zamanı iştirakçılar bankın Azərbaycandakı fəaliyyəti, bank işi, sənədləşmə, kredit və ssudalar, hesabatların hazırlanması, kadrlar şöbəsinin işi və ictimai əlaqələrlə bağlı prosedurlar, şöbələrarası iş və informasiya texnologiyalarının quruluşuna dair bilgilər əldə etmişlər. Kürdəmir rayonu Sığırlı kəndinin sakini Saleh Davudov deyir: “Mən özüm mühasib olsam da, işim üçün çox mühüm olan əmanətlər, kreditlər, faiz dərəcələri haqqında kifayət qədər bilik və bacarıqlar əldə etdim. Şirkətimiz mikro-kredit əldə etmək üçün müvafiq instansiyalara müraciət etdikdə bu bilik çox gərəyimiz olacaqdır.” Yevlax rayonundan olan digər interna Eldəniz Məmmədova görə COMEEP-in fəaliyyəti və internatura proqramı onların rayonunda biznes fəaliyyətinə rəvac verəcəkdir. Onun qeyd etdiyi kimi: “Bu təlimlərə qədər biz passivlik hiss edirdik, bu da bilavasitə bilik və bacarıqların çatışmazlığından irəli gəlir. COMEEP təlimlərinin müqabilində bizim kənd camaatı bazarın tədqiqi və bazara daxil olma yolları ilə getdikcə daha çox maraqlanmağa başlamışlar.”

İnternalar avqust ayının 16-ı evə qayıdaraq COMEEP proqramı çərçivəsində fəaliyyətlərini davam etdirirlər.

- Xəbərlər arxivi 2008

- Xəbərlər arxivi 2007

- Xəbərlər arxivi 2006

- Xəbərlər arxivi 2005