2005-ci il oktyabr ayının 16-sı saat 10:10 və 12:00-da, Junior Achievement Azərbaycan “Məktəbli şirkətlər” layihəsi üçün Zəngi liseyində şagirdlərin biznes sahəsi üzrə biliklərini sınamaq məqsədilə test keçirdi. Bakı və Sumqayıtı təmsil edən 27 məktəbin (BMLK, 95, 96, 234, 158, 15 və s.) 31 komandasında çıxış edən 82 şagird yarışda iştirak etdi. 10 komanda 155-170 bal toplayaraq (maksimum 200) layihənin növbəti mərhələsində iştirak etmək hüququ qazandı.

Testin yekunlarından sonra şagirdlər online treninq-kurslarda iştirak edəcəklər. Treninqləri peşəkar biznes mentorları keçirəcək. Əldə edilən biliklərin köməyilə 10 komanda biznes planları işləyib hazırlayacaqlar. Kursu bitirdikdən sonra bütün komandalar prezentasiyalar aparmaq imkanı əldə edəcəklər. Azərbaycanda fəaliyyət göstərən biznes müəssisələrinin təmsilçilərindən ibarət münsiflər heyəti biznes planları qiymətləndirəcəklər.