Lider müəllimlərin konfransı Azərbaycanın biznes təlimçiləri üçün yeni imkanlar yaradır
Dərc olunub: Apr 10 2008
2007 >>

 2007-ci ilin 30 noyabr-1 dekabr tarixində Bakıda keçirilən “Lider müəllimlərin konfransı“ 100-ə yaxın iqtisadiyyat müəllimi və işgüzar icmanın nümayəndələrini bir araya toplamışdır. “Məktəblərə iqtisadiyyatın tədrisi” (AMİT) proqramı çərçivəsində təşkil edilən konfrans, Project Harmony və JA Azərbaycan tərəfindən gerçəkləşmişdir.

İlk olaraq 2003-cü ildə təşkil olunan və hər iki ildən bir keçirilən konfrans, orta və peşə məktəb müəllimlərini iqtisadiyyatın tədrisinə kömək edəcək yeni strategiya və üsullarla tanış edir. ABŞ-ın Beynəlxalq İnkişaf Agentliyi və JAA Direktorlar şurasının üzvləri, biznes və elmi icmanın iştirakı ilə keçirilən 2007-ci ilin konfransı, iqtisadi tədris, Azərbaycan və ABŞ məktəbləri arasında əlaqələrin inkişafı, şagirdlərin karyera üzrə istiqamətləndirməsi və təhsildə internet vasitələrindən istifadə üzrə sessiyalar daxil edirdi.

 JA Azərbaycan İcraçı Direktoru Vüsal Xanlarov açılış nitqində AMİT proqramının vəzifələrinə toxunaraq, proqramın ölkənin ucqar bölgələrinə genişlənməsinin zəruriliyini bildirmişdir. Tədbirdə çıxış edən USAİD-in Azərbaycan üzrə Koordinatoru cənab Skot Teylor AMİT-in rolunu nəinki şagirdlərin tədrisində, həm də müəllimlərin savadının təkmilləşdirilməsində qeyd etmişdir. Cənab Teylorun sözü ilə “AMİT proqramı Azərbaycanda təlimçilər təbəqəsinin inkişafı üçün yeni imkanlar yaradır. Konfrans müəllimlərə öz uğurlarıla bölüşmək və problemləri birlikdə həll etmək imkanı verir”.

Konfransın xüsusi qonağı – USAİD-in İqtisadiyyat üzrə baş məsləhətçisi, Kaliforniya universitetinin Nobel laureatı professor Arnold Harberqer iqtisadiyyatda dövlətin siyasəti barədə söz açmışdır. “Güclü iqtisadiyyata nail olmaq ölkə üçün uzunmüddətli prosesdir. İqtisadiyyat insan və kapital ehtiyatları tərəfindən yaranın və ölkənin imkanlarını artırmaq üçün yatırımın iqtisadi tədrisə yönəldilməsi zəruridir”, cənab Harberqer bildirmişdir. 

BP şirkətinin nümayəndəsi cənab Ceyhun Kərəmov sosial məsuliyyət məsələlərinin mühümlüyünü qeyd edərək, ölkədə həyata keçirilən ictimai fəaliyyətlərə, o cümlədən təhsil, icmanın inkişafı və ətraf mühitin qorunmasına dair BP şirkətinin dəstəyini təqdim etmişdir. Təqdimat zamanı cənab Kərəmov Azərbaycanın inkişafında AMİT və ona oxşar proqramların əhəmiyyətini xüsusilə vurğulamışdır.

 AMİT proqramının təlimçiləri “Lider müəllimlərin konfransı”nda xüsusi yer tuturdular. Aparıcı AMİT müəllimləri, proqram heyəti və Norveçin Qaçqınlar Şurasının dəyərləndirmə üzrə mütəxəssisi Bəyaz Zeynalova ilə birlikdə beynəlxalq əməkdaşlıq, onlayn iqtisadi layihələrin yaradılması, tədrisdə interaktiv üsulların tətbiqi, şagirdlərin gələcək karyeralarına hazırlanması və proqramın dəyərləndirməsində əldə etdikləri uğurlarla bölüşür, ideyalar irəli sürür və yeni təcrübə təqdim edirdilər. “Konfransda təqdim edilən metodlar, müəllimlərə gəncləri Azərbaycanın iqtisadi və biznes həyatına hazırlamaq üçün olduqca kömək edəcəkdir”, Əli Bayramlı şəhəri, 10 saylı məktəbin iqtisadiyyat müəllimi Sadiq Səmədov təəssüratları ilə bölüşür.  

Konfransın birinci gününün sonunda AMİT proqramında ən yüksək nəticəyə nail olan 9 müəllim dəyərli mükafatla təltif edilmişdir. Həmçinin, HP qlobal biznes yarışında birinci yer tutan, Dövlət Neft Akademiyasından AMİT məzun komandasına xüsusi mükafat təqdim edilmişdir.

Növbəti gün ərzində iştirakçılar beşillik təcrübələrinə nəzər yetirib, müəllimlər arasında əlaqələri daha da gücləndirmək və AMİT proqramının davamını təmin etmək yollarını nəzərdən keçirirdilər. Bunların arasında müəllimlər üçün onlayn forumun və ya xəbər xəttinin yaradılması, “İqtisadiyyat müəllimlərin assosiasiyası”nın yaradılmasının adı çəkilmişdir, hansı ki, ölkə iqtisadiyyatının inkişafına öz töhfəsini verəcəkdir. 

.