2009
| Mingəçevir məktəbliləri 2009-cu ilin Milli İdarəetmə və İqtisadiyyat Yarışının qalibi elan edildilər |
![]() |
| Dərc olunub: Jan 06 2010 |
| 2009 >> |
 21 Aprel 2009-cu il tarixində, “Grand Hotel Europe”-da keçirilən mərasimdə Mingəçevir Humanitar Texniki liseyin məktəbli komandası 10-cu Milli İdarəetmə və İqtisadiyyat Yarışının qalibi elan edildi. Junior Achievement Azərbaycan təşkilatının keçirdiyi tədbir BP və onun AÇG, Şahdəniz, BTC və CQBK layihələri üzrə tərəfdaşları, USAİD, StatoilHydro, Chevron və Baker McKenzie şirkətlərinin dəstəyi ilə həyata keçirilən “Məktəblərdə iqtisadiyyatın tədrisi” proqramı çərçivəsində təşkil olunmuşdu.
Tədbirdə Azərbaycan Respublikası Təhsil Nazirliyi, Gənclər və İdman Nazirliyi, Bakı Şəhər Baş Təhsil Şöbəsi, USAİD, BP, StatoilHydro, Baker McKenzie, MakDermott Kaspian Kontraktorz İnk., KCA Deutag, Bakcell və HP şirkətlərinin nümayəndələri iştirak etmişdi.
 Final mərhələyə vəsiqə qazanmış Bakının 132, 95, 91 saylı məktəbin, Zəngi liseyi və Mingəçevir Texniki Humanitar liseyin 7 komandası biznes modelləşdirməsi proqramı üzrə milli çempion titulu uğrunda mübarizə aparırdı. Finalçı komandalar Bakı, Sumqayıt, Mingəçevir, İsmayıllı və Şəki məktəblərini təmsil edən 64 komandaya qalib gəlmişlər. Sınaq mərhələlərdə ümumi olaraq 192 şagird iştirak etmişdir.
Tədbirdə, həmçinin, qalib şagirdlərin və biznes icmasının nümayəndələrinin  iştirakı ilə yoldaşlıq yarışı təşkil olunmuşdu. Dörd mərhələ ərzində şagirdlər və biznes nümayəndələri məhsulun qiyməti, istehsal, investisiya, elmi-tədqiqat işlərinin həcmi, marketinq və xeyriyyə məsələləri üzrə qərarlar qəbul edirdi. Yoldaşlıq yarışının qalib komandası – Bakının 95 saylı məktəbinin şagirdləri, Baker McKenzie şirkətindən cənab Daniel Matthews və MakDermott şirkətindən xanım Ulduz Taqiyeva JA Azərbaycan təşkilatı tərəfindən simvolik hədiyyələrlə mükafatlandırıldı.
Tədbirin sonunda qalib komandalara mükafatlar təltif edildi: Mingəçevir Humanitar Texniki lisey (1-ci yer), Bakı 132 saylı məktəb (2-ci yer), Bakı Zəngi liseyi (3-cü yer).Keçən illərin milli çempionları:
2009 – Humanitar Texniki lisey, Mingəçevir
2008 – 15 saylı məktəb, Sumqayıt
2007 – 132 saylı məktəb, Bakı
2006 – 41 saylı məktəb, Bakı
2005 – 132 saylı məktəb, Bakı
2004 – 1 saylı məktəb, Xırdalan
2002 – 132 saylı məktəb, Bakı
2000 – Zəngi liseyi, Bakı
Bütün foto qalereya
Geri- Xəbərlər arxivi 2009
- Xəbərlər arxivi 2008
- Xəbərlər arxivi 2007
- Xəbərlər arxivi 2006
- Xəbərlər arxivi 2005 |
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.