2006
| Peşakar biznesmenlər AMİT şagirdlərinə sahibkarlıq dərsi keçirlər |
![]() |
| Dərc olunub: Apr 21 2008 |
| 2006 >> |
Junior Achievement Azərbaycan 2006/2007-ci dərs ili üçün AMİT proqramı çərçivəsində “Məktəbli şirkətlər” layihəsini başladı. “Məktəbli şirkətlər” Azərbaycanın orta məktəb şagirdlərinə sahibkarlıq anlayışını çatdırır və yaratdıqları özəl şirkətin biznes planını yazmaqla nəzəri iqtisadi və sahibkarlıq biliklərini tətbiq etməyə kömək edir. Yerli biznes icmalarından könüllü məsləhətçilərin köməkliyi ilə “Məktəbli Şirkətlər” layihəsi şagirdlərə iqdisadiyyatın əsasları və biznes təhsili verir. Aktual biznes plan yaratmaqla şagirdlər təkcə biznesin necə həyata keçirildiyini öyrənmirlər, həmçinin onlar virtual olaraq şəxsi bizneslərini yaradır, səhmdar və ya şirkətin idarəetmə şurasının üzvü olmaqla biznes qərarlar qəbul edir, biznes planlar işləyib hazırlayır və maliyyə problemlərini həll edirlər. 2006-cı il Oktyabrından başlayaraq, Bakı, Gəncə, Sumqayıt, Göyçay və Mingəçevirdən 140 şagird ilk mərhələdə iqtisadi bilik və qərar qəbul etmə üzrə müsabiqədə iştirak etdilər. Bu iştirakçılardan səksən nəfəri 16 komanda şəklində layihənin ikinci mərhələsində iştiraka nail oldular. İkinci mərhələ onlayn təlim olub dörd mentor, Qaradağ Sement, KCA Deutag, və Junior Achievement Azərbaycan şirkətlərindən profesionallar tərəfindən biznes menecment və biznes plan yazmaq üzrə aparılır. Hər mentor dörd komandaya təlim keçəcək və ən uğurlu komandanı final mərhələsində biznes planı təqdim etmək üçün seçəcək. Aşağıdakı onlayn layihədə iştirak edən məktəblər və onların biznes mentorlarının siyahısıdır: Bakı 164, 275, 95 sayli məktəblər və Elitar Gimnaziya – Mentor: Uve Kohler, Qaradağ Sement
Bakı 189, 53 saylı məktəblər, Mingəçevir 3 saylı məktəb, Göyçay 3 saylı məktəb – Mentor: Ləman Hüseynova, Qaradağ Sement
Bakı 132, 220 saylı məktəblər, Sumqayıt 15 saylı məktəb, Gəncə 2 saylı məktəb – Mentor: Ramin Isayev, KCA Deutag
Mingəçevir 1 saylı məktəb, Gəncə 11, 18 saylı məktəblər, Göyçay 9 saylı məktəb – Mentor: Seymur Hacıyev, Junior Achievement Azərbaycan. Qalib komanda 2007-ci ilin yayında JA Təcrübə Proqramında iştirak etmək fürsəti qazanacaq.
Geri- Xəbərlər arxivi 2009
- Xəbərlər arxivi 2008
- Xəbərlər arxivi 2007
- Xəbərlər arxivi 2006
- Xəbərlər arxivi 2005 |
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.