Oktyabr, 2011-ci il – “Qaradağ Sement” ASC və Junior Achievement Azərbaycan təşkilatı Sahil və Ümid qəsəbələrinin 5 məktəbinin iştirakilə “İdarəetmə və İqtisadiyyat” üzrə yarış keçirdilər. Yarış, Azərbaycan Respublikasının Təhsil Nazirliyi ilə strateji əməkdaşlıq çərçivəsində “Qaradağ Sement” ASC və Junior Achievement Azərbaycan təşkilatı tərəfindən həyata keçirilən “Məktəblərdə Biznesin Tədrisi Proqramı”nın tərkibində reallaşır.
Qaradağ rayonunun 273, 294, 228, 319 və 9 saylı xüsusi internat məktəbini təmsil edən 10 komanda iki qrup daxilində mübarizə aparırdı. Yarış zamanı iştirakçılar modelləşdirilmiş virtual şirkətin baş icraçı meneceri kimi çıxış edərək, məhsulun qiymətini və istehsalın həcmini təyin edir, marketinq xərcləri, kapital qoyuluşu və elmi-tədqiqat işlərinə yönəldilən vəsaitlər üzrə qərarlar qəbul edirdilər. Qəbul edilən qərarlar komandanın uğuru yaxud itkisi ilə nəticələnirdi.
Altı dövrdən ibarət yarışın nəticəsində 319 və 228 saylı məktəbləri təmsil edən iki komanda hər qrup üzrə qalib elan edildi. Bütün iştirakçı şagirdlər və qalib komandalar “Qaradağ Sement” ASC-i tərəfindən mükafatlar qazandı.
“JA Titan” yarışı məktəblilərin liderlilik və məntiqi düşüncə qabiliyyətlərinin inkişafı üçün gözəl bir vasitədir. Yarışda iştirak etdiyimə çox sevinirəm və Junior Achievement təşkilatına komanda daxilində işləmək və biliklərimizi sınamaq üçün verilən bu imkana görə təşəkkürümü bildirirəm”, - 319 saylı məktəbin şagirdi Arzu Qurbanova deyir. “Sahibkarlıq və rəqabət bacarığından savayı, “JA Titan” proqramı məktəblilərin intellektual səviyyəsini artırır və düşünülmüş, əsaslı qərarlar verməyə kömək edir”, - deyərək 228 saylı məktəbin 10-cu sinif şagirdi Aysel Mirzəzadə öz təəssüratlarıyla bölüşür. 
2010-cu ilin oktyabr ayında başlanan proqramın vasitəsilə 940 yuxarı sinif şagirdi iqtisadiyyat və biznes sahəsində tədrisini davam etdirir. Proqramda Sahil qəsəbəsindən 253, 273, 228, 319 saylı orta məktəb və 9 saylı xüsusi internat məktəb, Ümid qəsəbəsindən 294 saylı məktəb iştirak edir. Proqramın gedişatında Junior Achievement Azərbaycan təşkilatı tərəfindən 6 müəllim sahibkarlığın əsasları, maliyyə savadı və iqtisadiyyat fənninin tədrisi üzrə təlim alıb, məktəblilər yeni metodologiyanın istifadəsilə biznes yarışı və sahibkarlıq üzrə təlimlərdə iştirak ediblər.
Garadagh
1News
Mediaforum
Navigator.az
ICT news
Today.az
Rambler
Rambler
Azerbaijan Business Center
123.az
Junior Achievement müəllim və məktəbləri konkret proqramlarla təmin edir və şagirdlərə nəzəriyyənin praktikaya keçmə yolunu, sahibkarlığın nə olduğunu anlamağa imkan verir. Bu yolla şagirdlər özlərinə inam və motivasiya əldə edirlər, daha fəal olurlar və komanda daxilində işləməyi öyrənirlər. Bu isə, Avropanın gələcəyi üçün mühüm investisiyadır.